Секое дете треба да сонува, да го следи својот сон, својата желба, додека ние треба да ги поддржуваме во секој аспект на патот кон реализирање на истите. Токму тоа се трудевме,се трудиме и ќе се трудиме, секогаш да го постигнуваме, ние со заеднички сили во ново формираниот фудбалски клуб и школа РИС од Битола.
Новиот фудбалски клуб РИС е основан од луѓе кои веруваат во соништата и се идеалистички настроени кон остварување на истите, луѓе кои веќе имаат искуство на фудбалскиот терен, професионално, со спортски дух, кои почнале без никаква поддршка, а направиле многу во својот град, воедно и промовирајќи ја Македонија надвор од нејзините граници со македонски таленти… и уште поважно, Битолски таленти.
Новиот клуб ќе им пружа можности не само на детските таленти, туку и на нивните родители преку дружба и нивна помош да се достигнат целите и желбите на нивните деца, каде преку секојдневната игра и учење на фудбалските вештини исто така голем акцент ќе биде поставен на развојот на нивниот социјален живот.
ЗССД Спорт Талент Битола ќе биде главниот двигател на промоцијата на фудбалската школа особено надвор од нашите граници. Нека новите членови бидат следните кои својот талент го покажат во добро познати клубови и фудбалски земји како Франција, Италија, Германија.
ФК Рис Битола, веќе од денес е отворен за нови членови кои можат да се пријават директно на еден од следните тренинзи или преку главниот тренер Горан Момировски-Момир (076 815 107).
Спортски поздрав,
ФК РИС Битола
